Наполи бара од Челзи 60 милиони фунти за Кавани

Лондонските „сини“ се подготвени да издвојат 35 милиони фунти, но сепак Наполи бара многу повеќе.


Челзи повторно се обидува да го ангажира напаѓачот на Наполи, Единсон Кавани. Дека тоа нема да биде ни најмалку лесно говори фактот што Наполи од Роман Абрамович бара цели 60 милиони фунти за да го ослободи нивниот најдобар играч.

Порано првиот човек на „наполитанците“ , Аурелио де Лаурентис изјавуваше дека би го пуштил Кавани за 50 милиони, но сепак сумата е зголемена бидејќи ниту италијанскиот тим не сака така „ефтино“ да се откаже од напаѓачот кој за две сезони постигна 66 голови.

Доколку на оваа сума се вклучат и личните побарувања на фудбалерот, тогаш може да се заклучи дека Челзи ќе мора да одвои мало богатство за да го ангажира Кавани.