Хамилтон од пол-позиција извозе до победа во Унгарија

Британскиот возач во Мекларен, Луис Хамилтон, шампион пред четири години во Формула 1, се врати во игра во трката за шампионската титула, откако попладнево триумфираше на Големата награда на Унгарија на патеката Хунгароринг.



Хамилтон, кој доминираше на квалификациите вчера и тргна од пол-позицијата денеска, извозе до победа, и истовремено му одолеа на секој напад на Кими Раиконен, кој 20-на круга се обидуваше да казни било каков кикс на Хамилтон.

Црномурестиот Хамилтон триумфираше пред двата Лотуси на Раиконен и Ромаин Грожан, додека без пласман на пиедесталот остана триото на врвот на генералниот пламсан, лидерот Фернандо Алонсо (Ферари), кој заврши како петти, светскиот првак Себастијан Фетел (Ред Бул), кој беше пчетврти, како и второпласираниот во пласманот Марк Вебер (Ред Бул), кој го освои осмото место.

По денешната трка во Унгарија, Алонсо има 164 бода, Вебер има 124, Фетел 122, Хамилтон се враќа во игра со 117, еден повеќе од Раиконен. До крајот на сезоната има уште девет гран-прија, а следното ќе се вози дури за еден месец, на 2 септември на СПА Франкошамп во Белгија.